Home समाचार एनआईसी एसियाका कर्मचारीमाथि सांघातिक आक्रमण, दोषीमाथि कारबाही गर्न माग

एनआईसी एसियाका कर्मचारीमाथि सांघातिक आक्रमण, दोषीमाथि कारबाही गर्न माग

by reporter

काठमाडौँ।

म्याग्दी जिल्लास्थित एनआईसी एसिया बैंकको कर्मचारीमाथि सांघातिक आक्रमण भएको छ। जिल्लामा रहेको बैंकको शाखा कार्यालयका प्रमुख विनोद सापकोटा र कार्यकारी सहायक प्रकाश आलेमाथि आक्रमण भएको बैंकले जनाएको छ।

आक्रमणमा परि उनीहरु घाइते भएका छन् ।

बैंक तथा वित्तीय संस्था परिसंघ नेपाल (सिबिफिन) ले बैंक तथा वित्तीय संस्थाका शाखा कार्यालय र कर्मचारीहरुमाथि दुव्र्यवहार गर्ने, लुटपाट गर्ने, कार्यालय बन्द गर्न धम्की दिने जस्ता अराजक गतिविधि र आक्रमण गर्ने जस्ता कार्यहरु दैनानुदिन बढिरहेकोप्रति गम्भीर ध्यानाकर्षण भएको जनाएको छ।

जाजरकोटमा कर्मचारीमाथि गरिएको दुर्व्यवहार, मकवानपुर जिल्लास्थित कुमारी बैंकको शाखा कार्यालयमा गरिएको धरपकड र ज्यादतिको शृङ्खला आज ज्यान लिने गरी घटाइएको सीबीफीनले जनाएको छ।

सापकोटा र आलेमाथि नियोजितरुपमा सांघातिक आक्रमण गरी गम्भीर घाइते बनाइएको घटनाको घोर भर्त्सना गर्दै सीबीफीनले निहित स्वार्थ पूर्तिका लागि बैंकिङ जस्तो संवेदनशील एवं अत्यावश्यक क्षेत्रमाथिको ज्यादती र कर्मचारीको ज्यानै लिने उद्देश्यसहित घटाइएका बर्बर र आततायी घटनामा संलग्न दोषीहरुलाई हदैसम्मको कारबाहीको माग गरेको छ ।

Related Articles

Leave a Comment