Home खेलकुद मेस्सीको फ्रिकिकमा पीएसजी विजयी, नेयमार घाइते

मेस्सीको फ्रिकिकमा पीएसजी विजयी, नेयमार घाइते

by reporter

पेरिस । खेलको इन्जुरी समयमा लियोनेल मेस्सीले फ्रिककबाट उत्कृष्ट गोल गरेपछि पेरिस सेन्ट जर्मेनले सात गोलको थ्रिलरमा लिलमाथि रोमाञ्चक जीत हासिल गरेको छ । दुई गोलको अग्रता बनाएको पीएसजी २–३ ले पछि पर्न पुगेको थियो । तर, खेलको अन्त्यमा उत्कृष्ट पुनरागमन गर्दै टोली ४–३ गोलले विजयी बन्यो ।
खेलको ११ औँ मिनेटमा किलियान एम्बाप्पेले गोल गर्दै पीएसजीलाई अग्रता दिलाएका थिए । १७ औँ मिनेटमा नेयमारले अग्रता दोब्बर बनाए । तर, बाफोडे डियाकिटे, जोनाथन डेभिड र जोनाथन बाम्बाले गोल गर्दै खेलमा लिललाई अग्रता दिलाए । खेलको ८७ औँ मिनेटमा एम्बाप्पेले दोस्रो गोल गर्दै खेल बराबरी गरे । त्यसपछि खेलको ९५ औँ मिनेटमा २२ यार्ड टाढाबाट फ्रिकिक मार्फत नाटकीय गोल गर्दै टोलीलाई जीत दिलाए ।

Related Articles

Leave a Comment